Format : 13,5 x 20,5 • 84 pages • ISBN : 978-2-909984-54-4 • 14 €

Sarà cusì suttile a fruntiera frà u sonniu è a rialità chì i dui universi ne venganu à cunfondesi ?
Lascendusi sculiscià longu e so corde sensibile, quellu omu prova à discioglie u so mondu intricciatu aprendu e porte à a so memoria è splurandu e so emuzione sutterranie.
Notte hè un viaghju imaginariu chì percorre l’abissi di l’essere umanu, frà intimità è puesia.

Fred Giuntini cultiva u ligame à a tarra per mezu di l’educazione à l’ambiante è di a scrittura, da u so paese balaninu. I so primi versi cunsacrati à a musica contanu u mare è u frascheghju chì venenu à rughje o à sussurà in u so imaginariu. Incù Notte, l’autore lascia sguillà u so estru più inlà è si ciotta in un racontu di finzione in lingua corsa.